Hvað er Heitast á BWW 2025? Sóley Björk og fremstu vínsérfræðingar heims afhjúpa leyndardóma Spænskra vína

Barcelona Wine Week (BWW) er einn stærsti ef ekki stærsti vínviðburður Spánar, en hann hófst í dag 3. febrúar og stendur yfir til 5. febrúar 2025 í Montjuïc sýningarmiðstöðinni í Barselóna.

Þessi árlega sýning dregur að sér vínáhugafólk, fagfólk í greininni og matgæðinga alls staðar að úr heiminum til að fagna og uppgötva það besta sem spænsk og alþjóðleg vín hafa upp á að bjóða.

Á þessu ári hefur BWW stækkað um 31% frá fyrri sýningu og nær nú yfir tvö sýningarhús með þátttöku yfir 1.100 spænskra víngerða frá meira en 75 gæðastöðlum (DO) og öðrum gæðamerkjum. Þetta gerir sýninguna að einstöku ferðalagi um fjölbreytt vínræktarsvæði Spánar, allt frá þekktum svæðum eins og Rioja og Ribera del Duero til minni DO svæða með framúrskarandi vínum, svo sem Ribeira Sacra (Galicia), Alella (Barselóna), Rueda (Castilla y León) og Somontano (Aragón).

Aðalþema þessa árs er „Gamall vínviður, söguleg arfleifð“, þar sem lögð er áhersla á verðmæt spænsk vín úr gömlum vínvið. Dagskráin inniheldur einstakar smakkanir og kynningar, þar á meðal tækifæri til að smakka vín úr vínvið sem lifðu af phylloxera-pláguna á 19. öld, með vínvið sem eru allt að 300 ára gömul frá svæðum eins og Lanzarote, Galicia og Castilla y León. Þekktir sérfræðingar eins og Doug Frost (Master of Wine og Master Sommelier) og Fernando Mayoral (besti sommelier Spánar 2024) munu taka þátt í þessum viðburðum.

Auk þess mun BWW 2025 bjóða upp á fjölbreytta dagskrá með fyrirlestrum og umræðum um núverandi strauma og áskoranir í víngeiranum, svo sem vaxandi vinsældir hvítvína, vatnsstjórnun og viðbrögð við þurrkum. Þekktar víngerðir eins og Abadía Retuerta, Matarromera, Raventós Codorníu og Perelada munu deila innsýn sinni í þessi mál.

BWW er ekki aðeins hátíð fyrir vín, heldur einnig vettvangur fyrir sjálfbærni og ábyrga starfshætti í greininni, þar sem áhersla er lögð á lífræna ræktunaraðferðir, sem og þær sem einbeita sér að félagslegri ábyrgð og samfélagsþróun.

Þessi viðburður er einstakt tækifæri til að kafa djúpt í spænska vínmenningu, smakka sjaldgæf vín og læra af leiðandi sérfræðingum í greininni.

Sóley Björk með Snapchat veitingageirans á Barcelona Wine Week 2025

Sóley Björk Guðmundsdóttir

Það engin önnur en vínsérfræðingurinn Sóley Björk Guðmundsdóttir sem heldur utan um Snapchat veitingageirans! Með fingurinn á púlsinum mun hún deila beinum myndbrotum, innsýn og bestu augnablikunum frá BWW 2025

Lifandi innsýn í besta vínviðburð Spánar

Sóley Björk er þekkt fyrir sína þekkingu á vínum, næmt bragðskyn og einstaka hæfileika til að miðla vínmenningu á aðgengilegan og skemmtilegan hátt. Með Snapchat veitingageirans í höndunum verður hún augu og eyru á staðnum fyrir alla þá sem vilja upplifa stemninguna, smakkanirnar og nýjustu straumana í vínheiminum.

Ef vínheimurinn væri Snapchat, væri Barcelona Wine Week heitasti filterinn

Að sögn Sóleyjar Bjarkar er þetta einstakt tækifæri fyrir vínáhugafólk til að fá innsýn í viðburðinn í rauntíma.

„Barcelona Wine Week er vínparadís fyrir fagfólk og áhugafólk. Hér koma saman bestu framleiðendur, áhugaverðustu nýjungarnar og einstök vín sem fá mann til að sjá vínheiminn í nýju ljósi. Ég hlakka til að taka fylgjendur Snapchat veitingageirans með mér í þessa ótrúlegu upplifun!“

Fylgstu með á Snapchat: veitingageirinn

Sóley er búsett í Barselóna þar sem hún býður upp á vínsmakkanir, tapasrölt um borgina og skipuleggur heimsóknir til vínframleiðenda, auk þess að halda úti instagram síðunni A table for one in Barcelona, sjá nánar hér.

Myndir frá sýningunni: barcelonawineweek.com