Hótel Reykjavík Grand óskar eftir að ráða öflugan veitingastjóra

Starfið felur í sér yfirumsjón með daglegum rekstri og verkefnum veitingadeildar, svo sem sölu og þjónustu, áætlunun, starfsmannamálum, innkaupum, birgðahaldi, fjármálaumsýslu og að gæðakröfum sé fullnægt ásamt öðrum tilfallandi verkefnum.

HÆFNISKRÖFUR

• Sveinspróf eða meistarapróf í framreiðslu/matreiðslu er skilyrði
• Talsverð reynsla af sambærilegum störfum skilyrði
• Færni í samskiptum, jákvætt viðmót og rík þjónustulund
• Frumkvæði, nákvæmni og skipulag í vinnubrögðum
• Mjög góðir söluhæfileikar
• Almenn tölvukunnátta
• Öryggisvitund og þekking á GÁMES

Hótel Reykjavík Grand er flaggskip Íslandshótela og fjögurra stjörnu ráðstefnuhótel fyrir ferðamenn og ráðstefnugesti sem vilja njóta glæsilegrar aðstöðu og framúrskarandi þjónustu.

Á hótelinu eru 314 herbergi og 11 ráðstefnu- og veislusalir sem gerir hótelið að stærsta ráðstefnuhóteli landsins. Þar er einnig veitingastaður, bar, líkamsræktaraðstaða og Reykjavík Spa heilsulind.

Mikil uppbygging er í vændum á hótelinu en unnið er að viðamikilli stækkun á næstu 3 árum. Að loknum framkvæmdum mun hótelið bjóða uppá 454 hótelherbergi ásamt nýjum ráðstefnusölum

Gildi Íslandshótela eru: Fagmennska – Samvinna – Hugrekki

Umsækjendur senda inn umsókn ásamt ferilsskrá og kynningarbréfi á ráðningarvef Íslandshótela: Islandshotel.is/storf merkt. Veitingastjóri – Hótel Reykjavik Grand.

Óskir um nánari upplýsingar sendist á Írisi Töru Sturludóttur, hótelstjóra, [email protected]

Farið verður með allar fyrirspurnir og umsóknir sem trúnaðarmál. Umsóknarfrestur er til og með 31. Janúar 2024.