Hinrik Örn Halldórsson sigraði í Íslandsmóti Iðn-, og verkgreina og keppir í matreiðslu á Euro Skills í Póllandi

Hinrik Örn Halldórsson

Sex keppendur tóku þátt í keppni í matreiðslu að þessu sinni á Íslandsmóti iðn- og verkgreina sem fram fór í Laugardalshöllinni dagana 16. – 18. mars.

Keppnin í matreiðslu var stýrt af Sigurjón Braga Geirsson sem einnig sá um að dæma eldhúsin.  Honum til halds og traust í smakkdómgæslu voru Sindri Guðbrandur Sigurðsson og Ísak Darri Þorsteinsson.

Grunnhráefnið í keppninni var bleikja og hörpuskel í forrétt, lambahrygg og skanka í aðalrétt og þurftu svo keppendur að útbúa eftirrétt sem innihélt hvítt súkkulaði, mango purré og ólífuolíu.  Keppendur höfðu frjálsar hendur með túlkun á öllum réttum.

Keppendur voru:

Kristín Birta Ólafsdóttir

Guðmundur Halldór Bender

Sindri Hrafn Rúnarsson

Hinrik Örn Halldórsson

Elmar Daði Sævarsson

Filip Jozefik

Sigurjón Bragi Geirsson

„Keppnin var gríðarlega hörð og stutt á milli manna í öllum sætum sem gerði keppnina ennþá meira spennandi og ljóst að framtíðin er björt fyrir matreiðslufagið.“

Sagði Sigurjón Bragi í samtali við veitingageirinn.is

Úrslit urðu eftirfarandi:

1. sæti – Hinrik Örn Halldórsson

2. sæti – Guðmundur Halldór Bender

3. sæti – Kristín Birta Ólafsdóttir

Sigurvegarinn öðlast þátttökuréttindi á Euroskills þar sem 32 lönd senda sín færustu ungmenni til að taka þátt í 43 mismunandi greinum, en keppnin verður haldin í borginni Gdańsk í Póllandi.

Hinrik Örn mun því fara til Gdańsk og keppa fyrir hönd Íslands í matreiðslu.

Eftirfarandi rétti gerði Hinrik Örn á keppnisdag sem báru sigur úr bítum.

Mótshaldarar vilja þakka öllum keppendum sem tóku þátt það stóðu sig allir með sóma og verður spennandi að sjá hvað Hinrik Örn gerir í Gdańsk.

Lesa fleiri fréttir frá Íslandsmóti iðn- og verkgreina hér.

Myndir: aðsendar / matvis.is

Myndir af réttum: Sigurjón Bragi