Heimalagaðar humarrúllur

Hráefni:
Brauð
Sítrónupipar
Steinselja
Hvítlaukur
Smjör
Humarhalar

Ég er ekki með magn á hreinu en ég finn það ca út.

Gerði um daginn ca 30 rúllur og í það fór 1 stk smjör, 1 poki steinselja, rúmlega 1 hvítlaukur og 800 gr af humri.

Aðferð:
Byrja á því að skera skorpuna af brauðinu, nota svo kökukefli til að rúlla það í mjög þunnar sneiðar.

Saxa svo steinselju og mauka hvítlauk í skál.

Það er svo sett í pott með smjöri og brætt í potti.

Humarinn er settur á brauðið, krydda með sítrónupipar og rúlla upp.

Rúllurnar eru svo settar ofan í hvítlaukssmjörið og síðan á bökunarpappír og inní ofn í ca 10 mín á 180° með blæstri.

Myndirnar sýna hvernig þetta lítur út.

Borið fram með góðu salati og hvítlaukssósu.

Bæði sem forréttur eða léttur aðalréttur.

Ég fann þessa uppskrift fyrir mörgum árum í hefti sem ég fékk að gjöf frá Íslandsbanka, svo ég veit ekki hver er höfundur af þessu góðgæti.

Myndir og texti: Jóhanna Ósk Gunnarsdóttir