Halldór matreiðslumaður gefur út matreiðslubókina Réttir úr ríki Vatnajökuls

Blóðbergs Panna Cotta

Halldór Halldórsson matreiðslumaður á Hótel Höfn er nú við það að ljúka við matreiðslubókina Réttir úr ríki Vatnajökuls.

Halldór nýtur stuðnings frá Daníel Imsland sem sér um umbrot og grafíska vinnslu. Auk þess hafa Guðmundur H. Gunnarsson hjá Matís og Rósa Björk Halldórsdóttir hjá Ríki Vatnajökuls komið að hugmyndavinnu bókarinnar. Hráefni sem finnst í Hornafirði mun vera í aðalhlutverki í öllum réttunum og þar á meðal flest það sem selt hefur verið í heimamarkaðsbúðinni.

Myndir frá Hornfirskum áhugaljósmyndurum af Hornfirskri náttúru í bland við matarmyndir prýða síður bókarinnar.

Uppskriftirnar í bókinni eru hannaðar með því tilliti að byrjendur jafnt sem lengra komnir geti stuðst við þær í eldhúsinu og hefur Halldór safnað myndum og uppskriftum frá árínu 2003 þegar að hugmyndin að bókinni kviknaði.

„Það er búið að vera gríðarlegur áhugi fyrir verkefninu“ segir Halldór í samtali við Freisting.is og segir að fólk sé nú þegar byrjað að panta bækur til að gefa í jólagjafir til ættingja, innan sem utan Hornafjarðar.

Búist er við að bókin komi frá prentsmið í byrjun desember.

Áhugasamir geta haft samband við Halldór á netfangið [email protected] eða í síma 692-5624.

Meðfylgjandi myndir eru úr matreiðslubókinni og birt með góðfúslegu leyfi Halldórs.

/Smári