Halldór Hafliðason hefur lokið keppni – Sjáðu myndirnar frá úrslitakeppninni

Allt orðið klárt og beðið eftir að klukkan slær tólf, en Halldór hafði rúmlega tvær klukkustundir til að elda kjúkling í aðalrétt og súkkulaðieftirrétt fyrir fjóra

Í dag fór fram úrslitakeppni á Ólympíuleikum matreiðslunema, en tíu lönd komust áfram í úrslitakeppnina af fimmtíu löndum. Ólympíuleikarnir fóru fram rafrænt en keppnin hefur venjulega verið haldin á Kolkata á Indlandi áður en kórónuveiran kom til sögunar.

Halldór Hafliðason keppti fyrir hönd Íslands og stóð hann sig frábærlega og var á góðum tíma.  Halldór eldaði kjúklingarétt og súkkulaðieftirrétt fyrir fjóra.

Úrslitakeppnin var sýnd í beinni útsendingu og eru meðfylgjandi myndir skjáskot úr þeirri útsendingu:

Ægir þjálfari sýndi í beinni nærmynd af handbrögðum Halldórs fyrir erlendu dómarana

Íslensku dómararnir

Kjúklingur

Eftirréttur

Keppni lokið og því ber að fagna

Aðstoðarmenn Halldórs voru Kristvin Þór Gautason og Dagur Gnýsson. Þjálfari: Ægir Friðriksson matreiðslumeistari og kennari í Hótel-, og matvælaskólanum.

Úrslit verða kynnt á morgun laugardaginn 5. febrúar og verður veitingageirinn.is á vaktinni og flytur ykkur fréttir um leið og þær berast.

Fleiri fréttir af Ólympíuleikum matreiðslunema hér.