Grand hótel stækkað

Framkvæmdir eru hafnar við stækkun Grand hótels í Reykjavík. Verið er að reisa tvo turna sem verða byggðir sem aðskilin bygging u.þ.b. 100 metra úti á baklóð hótelsins. Í þeim verða 212 ný herbergi, fundarherbergi og heilsurækt. Umsvif hótelsins munu stóraukast með stækkun þess.

Samkvæmt upplýsingum frá Grand hóteli Reykjavík er kappkostað að haga framkvæmdum þannig að gestir hótelsins verði sem minnst við þær varir og gestaherbergi sem snúa að nýbyggingunni verða ekki í notkun á meðan vinna er í gangi. Nýja byggingin og sú eldri verða svo tengdar með kjallara og glerhúsi næsta haust og vetur.

Ráðgert er að hið nýja hótel verði opnað 16. mars 2007.

Greint frá á mbl.is

[email protected]