Gordon Ramsay opnar þrjá nýja veitingastaði – Svona líta hamborgararnir út – Myndir og vídeó

Gordon Ramsay

Stjörnukokkurinn hefur í nóg að snúast þessa dagana, en hann hefur opnað þrjá nýja veitingastaði.

Ekki er um að ræða fine dining veitingastaði heldur meira í takt við skyndibitastaði, þó er hamborgarinn á nýja veitingastaðnum á Harrods í Bretlandi í dýrari kantinum eða um 15 þúsund krónur og þá á eftir að kaupa franskar og sósu.

Gordon Ramsay tilkynnti í byrjun nóvember s.l. að allir veitingastaðir hans í London verða lokaðir tímabundið vegna kórónufaraldursins.

Sjá einnig:

Allir Gordon Ramsay veitingastaðirnir loka

Nú á dögunum opnaði Gordon nýjan veitingastað að nafni Street Burger, á St Paul-svæðinu í Lundúnum. Hamborgarinn þar er ekki dýr miðað við gæðin eða um 2600 krónur og aukalega fyrir franskar og sósu. Street Burger staðurinn tekur 60 manns í sæti.

Með fylgja myndir af hamborgurunum á Street Burger sem eru óneitanlega girnilegir að sjá:

Nú í byrjun desember opnar Gordon nýjan veitingastað að nafni Street Pizza sem staðsettur verður við Southwark í London.

Vídeó

Gordon áætlar að opna 50 fleiri veitingastaði í Bretlandi á næstu fimm árum, þar á meðal veitingastaði í stíl við Street Burger.

Myndir: Facebook / Gordon Ramsay