Friðrik V kennir grunnskólanemendum

Veitingahjónin Friðrik og Arnrún hjá Friðrik V finnst nauðsynlegt að leggja sitt að mörkum til komandi kynslóða. Árið 2008 gerðu þau fyrsta samninginn við Akureyrarbæ þar sem þau bjóða nemendum í 9. og 10. bekkjum í grunnskólum Akureyrarbæjar að velja í valgreinakennslu þar sem þau kenna þeim Mat úr héraði og siði.

Þeirra markmið eru að ungt fólk í Eyjafirði sem er að byrja í framhaldsskóla viti hvað þau búa vel í sínu heimasvæði og þurfi ekki að leita yfir lækinn.

Þjónn í súpunni

Til gamans má geta að Leikfélag Akureyrar og Veitingastaðurinn Friðrik V hafa tekið upp þráðinn frá síðasta leikári og bjóða upp á 3ja rétta máltíð og „óhefðbundna þjónustu“ á Friðrik V. Þjónar leika, leikarar þjóna, allir leika á gesti og gestirnir leika á als oddi.

Þetta er uppákoma sem byggir á spuna og stemmningu og aldrei að vita hvað gerist, því engar tvær sýningar eru eins.

Verð er kr.5.900.- og innifalið er leiksýning og þriggja rétta kvöldverður með víni.

Það má með sanni segja að þessi leikflétta sé vel heppnuð því að uppselt er nær á allar sýningar eins og sjá má á eftirfarandi töflu:

Sýningar:
Kl. 19.00 miðvikudaginn 14.okt. – uppselt
Kl. 18.30 miðvikudaginn 21.okt – uppselt
Kl. 18.30 miðvikudaginn 28.okt. – uppselt
Kl. 18.30 miðvikudaginn 04.nóv – örfá sæti laus
Kl. 18.30 miðvikudaginn 11.nóv. – uppselt
Kl. 18.30 miðvikudaginn 18.nóv. – örfá sæti laus
Kl. 18.30 miðvikudaginn 25.nóv. – örfá sæti laus

Myndir: Arnrún Magnúsdóttir

/Smári