Forkeppnin í nemakeppni í bakstri 2014

Forkeppni í nemakeppni í bakstri verður miðvikudag og fimmtudag 26. og 27. febrúar.  Skipt verður í 4 – 5 manna hópa og ræðst fjöldi hópa af þátttöku.

4 keppendur komast í úrslit og verður úrslitakeppnin haldin á þriðjudegi 4. mars frá kl. 15-18 og miðvikudegi 5. mars kl. 9-15.

Vörum úr úrslitakeppni verður stillt út á sýningarsvæði á miðvikudagskvöldi og verður til sýnis á Íslandsmóti Iðn- og verkgreina sem haldin er í íþróttahöllinni Kórinn í Kópavogi dagana 6. – 8. mars 2014, en höllin er staðsett við Vallarkór í Vatnsendahverfi.

Verðlaun verða afhent á sýningarsvæðinu í Kórnum á fimmtudagsmorgni.

Forkeppnin:

• A. 1 stór brauðategund  500 – 800 gr.   10 stk. af teg.  Engar nánari skilgreiningar, frjálsar aðferðir.
• B. 1 smábrauðategund  30 stk. á 40 – 80 gr.  Þema : morgunverðar brauð.  Ekki leyft að rúlla smjörlíki í deigið. Að öðru leyti frjálst.
• C. 3 vínarbrauðstegundir, 50 – 80 gr. eftir bakstur, 20 stk. af tegund.  Frjáls úrvinnsla úr afgangi af deigi, þó að hámarki úr 1 kg. af deigi.
• D. Skraut stykki. Frjálst þema.
• E. Uppstilling á fyrirfram dúkað borð í Björnsstofu.  Stærð ca. 120 x 80 cm. með hvítum dúkum.

Sérstök athygli skal vakin á því að ekkert annað en keppnisframleiðslan er leyfð á borðið.

Keppnisreglur í forkeppninni – Miðvikudaginn 26. og 27. febrúar:

• Keppendur í hópi 1 mæta á svæðið kl.  8.30
• Kl. 9.00 hefst forkeppnin.
• Keppendur hafa 5 klst. sem þeir mega nota að vild.
• Ath. allt mjöl og korn skal vera frá Kornax og verður það ásamt öllum grunn-hráefnum á keppnisstað.
• Engar mjölblöndur (brauðamix) eru leyfðar.
• Keppendum er heimilt að nota hjálparefni svo sem gernæringarefni, súrdeig, litarefni o.þ.h. að höfðu samráði við dómara.
• Keppendum er heimilt að koma með slík efni með sér ef þau eru ekki til á keppnisstað en tilkynna skal um slíkt fyrirfram.
• Öll deig skulu vera fyrirfram útreiknuð og nákvæmlega löguð. Deig afgangar mega ekki vera meiri en 250 grömm í hverri deigtegund.
• Reiknuð eru 5 refsistig fyrir hver byrjuð 250 grömm eftir það.
• Keppendur verða að hafa lokið öllu þ.m.t. uppstillingu á 5 klst.
• Reiknuð eru 5 refsistig á hverjar byrjaðar 15 mínútur sem keppandi fer umfram 5 klukkustundir.
• Þegar keppandi hefur lokið öllu skal hann láta dómara vita.

Mynd: úr safni

/Smári