Fagorðalisti ferðaþjónustunnar er kominn út

Til að efla góða samvinnu og sameiginlegan skilning starfsfólks í ferðaþjónustu hefur Hæfnisetur ferðaþjónustunnar tekið saman lista yfir algeng orð sem notuð eru í greininni. Orðalistarnir eru á þremur tungumálum, íslensku, ensku og pólsku og eru aðgengilegir á prentuðum veggspjöldum og á heimasíðu Hæfnisetursins. Þar má jafnframt heyra framburð orðanna á íslensku og senda inn tillögur að fleiri orðum. Fagorðalistinn var unninn í samstarfi við SAF og starfsgreinaráð matvæla-, veitinga- og þjónustugreina.

Nálgast má veggspjöldin á skrifstofu Hæfniseturs ferðaþjónustunnar og á skrifstofu Samtaka ferðaþjónustunnar (SAF) eða panta þau hér. Hægt er að velja orðalista fyrir móttöku, þrif og umgengni, eldhús, afþreyingu og þjónustu í sal.

Smelltu hér til að ná í orðalista af heimasíðunni og hlusta á framburðinn.

„Vonir standa til þess að fagorðalistinn gagnist fyrirtækjum og geti auðveldað samskipti á vinnustað.‟

Segir María Guðmundsdóttir, fræðslustjóri SAF og formaður stýrihóps Hæfniseturs ferðaþjónustunnar.

Mynd: skjáskot af heimasíðu Hæfnisetursins.