Erfiðleikar hjá veitingastaðnum Ítalíu – Unnið er að því að gera upp launaskuldir fyrirtækisins

Ítalía flutti frá Laugaveginum yfir á Frakkastíg í byrjun árs

Kona sem starfaði í þrjá mánuði hjá veitingastaðnum Ítalíu á inni 370.000 króna launagreiðslu hjá fyrirtækinu sem átti að berast um síðustu mánaðamót. Konan hætti störfum hjá fyrirtækinu þar sem launagreiðslur töfðust sífellt.

Svona hefst frétt á dv.is, en þar segir konan í samtali við DV að þrír aðrir starfsmenn séu í svipaðri stöðu. Á mannlif.is segir að eigandi veitingastaðarins Ítalía á Frakkarstíg í Reykjavík, skuldar nokkrum fyrrverandi og núverandi starfsmönnum laun og vekur athygli á því að einn þeirra stígur fram undir nafni og vill fá launin sín.

„Við lentum í því í opnuninni með fullt hús yfir helgi að loftræstikerfið bilaði og sló út laugardag og sunnudag, trekk í trekk, húsið fylltist af reyk og slökkviliðið kom. Núna er loksins búið að ráða bót á því. Ég held að síðasta helgi hafi verið fyrsta helgin sem gekk áfallalaust hjá okkur. Það er bara fyrir einhverja klikkhausa að standa í þessu,“

sagði Elvar við DV á föstudag og hét því að laun verður gerð upp á næstunni.

Sjá einnig: Ítalía flytur frá Laugaveginum yfir á Frakkastíg

Það er ljóst að eigandi Ítalíu vinnur að því að gera upp launaskuldir fyrirtækisins, en konan sem greint var frá í upphafi fréttar fékk gert upp hjá Ítalíu laust eftir hádegi í dag.

Mynd: italia.is