Er Dóri í Mjóddinni að hætta rekstri í húsnæði Nettó?

Halldór Þórhallsson matreiðslumaður
Mynd: facebook / Hjá Dóra

Að undanförnum dögum hefur Halldór Þórhallsson matreiðslumaður, eða betur þekktur sem Dóri matsali í Mjódd, verið mikið á milli tannanna á fólki.

Þær fréttir sem ganga núna er að Dóri mun missa plássið sem fyrirtækið hans hefur í húsnæði Nettó, 1. maí næstkomandi, en þetta staðfestir Skúli Magnússon starfsmaður hjá Dóra í samtali við eirikurjonsson.is.

Nettó hefur hug á því að nýta plássið undir verslun sína.

„Ástæðan er ekki erfiðleikar í rekstri eða neitt slíkt. Ástæðan er sú að Nettó vill að Dóri fari til að nýta plássið fyrir eitthvað tengt versluninni.“

Hin umræðan er frekar miður umfjöllun í facebook hópnum Matartips, en þar birtir einn notandi mynd af Fish & Chips rétti frá Dóra sem kostar 2000 krónur og segir að þetta er sennilega dýrasti heimilismatur á Íslandi.

Bendir notandinn á að í Matstöðinni við Höfðabakka 9 er hægt að kaupa fimm rétta heitt hlaðborð á 2.190 krónur og birtir myndir af hlaðborðinu á Matstöðinni og réttinum hjá Dóra til samanburðar.

Myndir frá facebook færslunni

Facebook færslan:

„Hjá Dóra í mjóddinni sennilega dýrasti heimilismatur á Íslandi. Í desember síðastliðnum keypti ég þennan fisk með sósu og frönskum eins og myndin sýnir í plastbakka með plasthnífapörum á 2000 kr og ekkert meira inn í því, mér fannst það okur og sat við borð með ónæði frá afgreiðslukassa pípi og hávaðaskvaldri.

Daginn eftir fer ég í Matstöðin Höfðabakka 9. og kaupi þar fimm rétta heitt hlaðborð á 2.190 kr eða 190 kr meira en hjá Dóra en munurinn er að þar gast þú borðað eins mikið og þú gast í þig látið, í eins mörgum ferðum og þú vildir, grautur og súpa fyrir eða eftir og svo á eftir kaffi, kökur og ís í eftirrétt og auðvitað eins mikið af því og þú í þig getur látið líka.

Ef þú ferð norður í land þá kostar sami bakki eða sambærilegur skammtur hjá Heitur Matur í Hrísalundi rétt yfir þúsund krónur. Liggur við að það væri ódýrara að rúnta bara norður til að sækja sér í matinn.

Á meðfylgjandi myndum má sjá samanburðinn á skammtinum sem fæst hjá matstöðinni annarsvegar og hjá Dóra hinsvegar. Ekki má gleyma því að matstöðin býður upp á alvöru borðbúnað og gott næði.

Dæmi nú hver fyrir sig.“

Auglýsingapláss