Engifersoðin grásleppa

Hráefni

1 kg grásleppa
2 msk ferskur engifer
1 msk hunang
150 g gulrætur
2 rauðlaukar
500 ml vatn
100 ml hvítvín eða mysa
1 peli rjómi
salt og pipar eftir smekk

Aðferð

Snyrtið fiskinn og takið mestu fituröndina frá. Skerið fiskinn í 3-4 cm bita og kryddið með salti og pipar. Geymið í kæli á meðan engifersoðið er lagað. Brúnið lauk, gulrætur og engifer í potti í 3 mín.

Bætið hunangi, hvítvíni, vatni og rjóma út í, látið sjóða kröftuglega í 10 mín. Setjið fiskinn út í og takið pottinn af hitanum. Látið standa í 6 mín. í pottinum.

Veiðið fiskinn upp úr og látið síðan sjóða í pottinum.

Látið þykkna eftir smekk.

Borið fram með kryddgrjónum.

Gunnar Páll Rúnarsson

Höfundur er Gunnar Páll Rúnarsson matreiðslumeistari