Bæjarins bestu flytur yfir götuna

Bæjarins bestu öðlaðist heimsfrægð þegar Bill Clinton Bandaríkjaforseti fékk sér þar pylsu um árið.

Búið er að færa pylsuvagn Bæjarins bestu um set. Nú er vagninn á stéttinni fyrir framan Hótel 1919 og mun verða þar næstu mánuðina þar sem verið er að framkvæma á reitnum sem hann hefur staðið á síðustu 80 árin.

„Við vonumst til að geta flutt aftur á okkar venjulega stað á Hafnarstrætisreit fyrir jólin“

, segir Guðrún Kristmundsdóttir, eigandi Bæjarins bestu í samtali við mbl.is sem birtir myndband og fjallar nánar um flutninginn hér.