Apótekið lokar

Það hefur eflaust ekki farið framhjá mörgum sem eiga leið framhjá Apótekinu á sunnudagsrúntinum, en þar blasir við stór tilkynning „Hér opnar spennandi staður“, en það eru þeir félagar Garðar Kjartansson og Gunnar Traustason sem standa að endurhönnun á staðnum.

Á vefsíðu Apóteksins ber að líta eftirfarandi tilkynningu:

Kæri samstarfsaðili

Ég undirritaður Guðvarður Gíslason veitingamaður á Apótek bar grill hef selt fyrir hönd Evros ehf rekstur Apóteksins til Garðars Kjartanssonar og Gunnars Traustasonar og tóku þeir við staðnum að kvöldi 16 september s.l.. Það er orðið ljóst að nýir eigendur ætla sér ekki að reka veitingastaðinn í þeirri mynd sem við höfum gert undanfarin 8 ár. Þeir munu loka staðnum vegna breytinga og kemur það niður á einhverjum birgjum sem þegar hafa pantað hjá okkur veitingar á næstu mánuðum.

Í ágúst opnaði veitingastaðurinn Fiskmarkaðurinn að Aðalstræti 12 þar sem við höfum rekið veitingastaðinn Maru áður. Hrefna Rósa Sætran og Ágúst Reynisson munu sjá um þennan veitingastað og eru þau tilbúin að taka vel á móti ykkur og ykkar gestum í framtíðinni.

Veitingastaðurinn getur tekið á móti 100 manns í einu á tveimur hæðum.

• Sími á Fiskmarkaðnum er: 578 8877
• E-mail agust@fiskmarkaðurinn.is
• Heimasíða: www.fiskmarkadurinn.is og www.fishmarket.is

Að lokum langar okkur Guðlaugu að þakka fyrir gott og farsælt samstarf á liðnum árum og látum heyra í okkur um leið og við höfum ákveðið hvað sé næst á döfinni hjá okkur

Með bestu kveðjum

Guðvarður”Guffi”Gíslason

Mynd: Freisting.is | [email protected]