Alvarleg baktería sem getur valdið matareitrun í tilbúnum sósum

Matvælastofnun varar við neyslu á vissum Best fyrir dagsetningum af Dip Nacho Cheese Style og Cheddar Cheese Sauce frá Santa Maria vegna Bacillus cereus örvera, sem komu í ljós í eigin eftirliti fyrirtækisins í einni framleiðslulotu. Matareitrun af Bacillus cereus getur valdið uppköstum eða niðurgangi. Engar upplýsingar hafa borist um að fólk hafi veikst af vörunni. Matvælastofnun fékk upplýsingar um vöruna í gegnum RASFF hraðviðvörunarkerfi Evrópu um matvæli og fóður.

Dreifingarfyrirtækin í samvinnu við Heilbrigðiseftirlit Reykjavíkur og Heilbrigðiseftirlit Suðurnesja hafa stöðvað dreifingu og innkallað vöruna, sem á eingöngu við um eftirfarandi framleiðslulotur:

• Vöruheiti: Santa Maria Dip Nacho Cheese Style
• Þyngd: 250 g
• Strikamerki: 7311312007223
• Best fyrir dagsetningar: eru á forminu ár-mánuður-dagur á umbúðum
  01/06/2025 til 31/08/2025
• Framleiðsluland: Holland
• Dreifing:
  Aðföng: Allar verslanir Bónus og Hagkaups
  Samkaup: Varan var ekki farin í dreifingu.
• Vöruheiti: Santa Maria Cheddar Cheese Sauce
• Þyngd: 3 kg
• Best fyrir dagsetningar: 01/06/2024 til 31/08/2024
• Framleiðsluland: Holland
• Dreifing:
  OJ&K-ÍSAM ehf: Nokkur stóreldhús.

Neytendum er bent á að neyta ekki vörunnar og þeir geta skilað henni gegn endurgreiðslu í verslunina þar sem hún var keypt.

Upplýsingasíða Matvælastofnunar um Bacillus cereus.

Myndir: mast.is