Einn eftirsóttasti kokkur Norðurlanda gestur Grand Restaurant á Food & fun 2014

Matreiðslumaður ársins í Danmörku, árið 2012, Daniel Kruse, er spenntur fyrir samstarfi við íslenska kollega sína næstu daga.

Daniel Kruse, verður gestur Grand Restaurant á Food & Fun hátíðinni sem hófst í gær, miðvikudaginn 26. febrúar. Daniel hefur verið einn eftirsóttasti matreiðslumeistari Norðurlanda og víðar um árabil. Hann hefur hlotið fjölda verðlauna, meðal annars verði sæmdur titlinum Matreiðslumaður ársins, í Danmörku árið 2012 og varð þriðji í valinu um matreiðslumann norðurlanda á síðasta ári.

Daniel hefur verið yfirmatreiðlsumeistari á Lassen´s Restaurant á Stammershalle hótelinu á dönsku eyjunni Bornholm um árabil og hefur byggt upp gott orðspor fyrir frumlega efnistök á klassísku hráefni. Daniel er spenntur fyrir samstarfinu við íslenska kollega sína og lofar því að það verði upplifun á koma á Grand Restaurant á Food & fun hátíðinni.

Matseðill Grand Restaurant á Food & Fun er eftirfarandi:

Fyrsti réttur
Heitreykt bleikja steinseljurót, fennel og súraldin

Forréttur
Humar, Jerúsalem ætiþystlaís, sólselja og malt

Aðalréttur
Lambahryggvöðvi – hægelduð og steikt grísasíða, blandaðir laukar, soðgljái með eplum og bjór

Eftirréttur
Skyr og sítróna

Seinni eftirréttur
Súkkulaði og hafþyrnisber

Fréttamenn veitingageirans heimsækja Grand restaurant í kvöld og munu deila upplifun sinni í máli og myndum hér á veitingageirinn.is.

Mynd: aðsend/Grand.is

/Smári