Lifrarsteik

Lifrarsteik (6 m)

1 kg lifur ( af lambi eða kálfi)
½ l vatn
100 gr góður mör eða flesk
½ l mjólk
½ matsk. salt, pipar
tólg
2-3 matsk. hveiti

Aðferð:
Lifrin er þvegin og lögð í vatn eða undanrennu yfir nóttina. (til þess að draga út blóð) þá er lifrin tekin upp, þerrið vel og stungin hér og þar með stórri nál eða oddhvössum hníf, og mörnum sem skorin er í ræmur, smeigt inn. Lifrin er þá brúnuð og vatninu sjóðheitu smáhellt í pottinn við hliðina á lifrinni.

Soðið í 10 – 15 mín. Mjólkin er flóuð og henn bætt í þegar suðan er hálfnuð, lifrin er skorin í sneiðar og lögð upp þannig að hún leki út sem heil, sósan jöfnuð og henni hellt yfir. Varast skal að sjóða lifur of lengi því hún harðnar við suðuna.

Uppskrift – Sólveig Jónasdóttir frá Húsavík. Sólveig lærði í Húsmæðraskólanum á Laugum frá 1944 til 1945.
Birt með leyfi: Helgi Fannar Valgeirsson, matreiðslumaður.

Mynd: úr safni