Friðjón F. Helgason matreiðslumeistari tekur við veitingarekstrinum á Jaðri

Frá afhendingu lykla að golfskála Golfklúbbs Akureyrar.
F.v. Hafdís Rán Reynisdóttir, Steindór Kr. Ragnarsson framkvæmdastjóri GA og Friðjón H. Helgason

Þau hjónin Friðjón H. Helgason og Hafdís Rán Reynisdóttir hafa tekið við rekstri á Jaðri, golfskála Golfklúbbs Akureyrar.

Friðjón er lærður matreiðslumeistari og hefur víðtæka reynslu og starfað í veitingageiranum til fjölda ára m.a. verið yfirmatreiðslumaður á veitingahúsum í Reykjavík og Kaupmannahöfn, séð um veisluþjónustu og nú síðast yfirmatreiðslumaður á Icelandair hótel Akureyri.

Golfskálinn að Jaðri er vel staðsettur með fallegt útsýni yfir golfvöllinn.

„Ég sé marga möguleika á að þróa og bæta veitingasöluna hér á Jaðri. Það er virkilega spennandi verkefni framundan að gera veitingaaðstöðuna enn eftirsóknarverðri fyrir kylfinga sem og alla aðra gesti. Hugmyndirnar eru margar og erum við full tilhlökkunar að taka á móti félagsmönnum GA og fá að kynnast þeim.“

Segir Friðjón í tilkynningu frá Golfklúbbi Akureyrar.

Áður hafði Jón Vídalín séð um rekstur veitingasölunnar.

Á Jaðri er boðið upp á heitan mat ásamt kaffi, kökum og smurðu brauði. Golfskálinn hentar vel til veisluhalda, hvort sem er stórafmæla, ferminga eða giftinga.

Jaðar Bistro á facebook.

Myndir: gagolf.is