Nýr matarvagn/veitingastaður opnar á Akureyri – Ingi matreiðslumaður: „Við verðum með smá fine dining infusion“

Vagninn var prufukeyrður á laugardaginn s.l.
F.v. Nikolina Gracanin og Ingi Þór Arngrímsson.

Nýr matarvagn lítur dagsins ljós á Akureyri nú á næstunni sem heitir Mosi – streetfood. Vagninn er ekki fullkláraður að utan, en stefnan er að opna í byrjun maí.

Nákvæm dagsetning á opnun og staðsetning á vagninum verður auglýst á facebook síðu Mosi – streetfood, fylgist vel með.  Eigendur eru Ingi Þór Arngrímsson og Nikolina Gracanin.  Ingi er matreiðslumaður að mennt.

„Við stefnum á að vera með þokkalegan hollan streetfood með smá svona fine dining infusion, en ætlum ekki að missa okkur í pinsettunum og perraskap. Við munum bjóða upp á nánast alla rétti vegeterian líka.“

Sagði Ingi í samtali við veitingageirinn.is.  Matseðillinn er ennþá á lokaskrefunum, en eftirfarandi réttir verða t.a.m. á boðstólnum:

Pulled-pork taco, með sýrðu hvítkáli, pikkli og mayo „ponzu“.

Dirty franskar, heimagerðar franskar með cheddarsósu, beikoni og vorlauk.

Bbq quesadilla með djúpsteiktum kjúkling og salsa.

Djúpsteikt Burek með grískujógúrti.

Marokkóskur kjúklingur á naanbrauði með eplachutney og japönsku mayo.

Sticky brokkoli „wings“ með pikkluðum chilli og chilli mayo.

Myndir: facebook / Mosi – streetfood.