MATVÍS ræður lögmann til starfa

Félagsmönnum Matvís býðst nú endurgjaldslaus aðgangur að lögfræðingi. Eru félagsmenn hvattir til að færa sér þessa nýjung í nyt og vera ófeimnir að hafa samband.

Halldór Oddsson lauk meistaraprófi frá lagadeild Háskóla Íslands vorið 2009. Halldór starfaði samhliða námi m.a. hjá Héraðsdómi Norðurlands Eystra og Neytendasamtökunum, ásamt því að sinna aðstoðarkennslu við háskólann á seinni stigum námsins, en þetta kemur fram á vef Matvis.is.

Halldór hefur aðsetur í húsnæði MATVÍS að Stórhöfða 27, 1. hæð.

Opnir skrifstofutímar fyrir félagsmenn eru sem hér segir:

– Mánudagar, kl. 11:00 – 13:00

– Fimmtudagar, kl. 16:00 – 18:00

Jafnframt er hægt að hafa samband hvenær sem er á póstfangið [email protected] eða í síma 580-5287. Viðtalstímar eru þá eftir nánara samkomulagi.

/Smári

Mynd: Matvis.is