Rabbar Barinn fjárfestir í nýjum matarvagni

Rabbar Barinn hefur fest kaup á glæsilegum matarvagn og nú um helgina verður Rabbar Barinn með vagninn á hátíðinni Sumar á Selfossi.

Boðið verður upp á beikon og humarloku með basilíku dressingu, humarsúpu, kjötsúpu og drykkjarvörur.

Eigandi er Bryndís Sveinsdóttir en hún kemur til með að sjá um grænmetisverslun Mathallarinnar á Hlemmi.

„Allt grænmetið verður selt í lausu og það verður allt íslenskt hjá okkur“

, segir Bryndís í samtali við visir.is aðspurð um fyrirkomulagið á Rabbar Barnum í Matarhöllinni.

Á vefsíðu Hlemmurmatholl.is segir að Rabbar-barinn komi til með að starfa náið með Sölufélagi Garðyrkjumanna og sjá til þess að gestir Mathallarinnar geti alltaf gripið með sér brakandi ferskt grænmeti og ilmandi blóm. Þarna má gæða sér á kryddjurtabrauði, salati, rabbabaragraut með rjóma og ýmsum ljúffengum súpum sem tryggja að ekkert fari til spillis og grænmetið fái að njóta sín til fullnustu.

Myndir: facbook / Rabbar Barinn