Chef Hilmar (Hilmar B. Jónsson) orðinn vörumerki í BNA

Icelandic USA hefur hafið framreiðslu á nýjum vörum með andliti Hilmars sem vörumerki.  Eftir að hafa ferðast um Bandaríkin í 15 ár er hann orðinn þekktur í bransanum og flestir dreifiaðilar vita hver hann er, einnig hundruðir kokka og veitingahúsa eigenda.

Einnig eru þeir hjá Icelandic með 54 umboðsmenn um allt landið og þeir með hundruðir sölumanna á sínum snærum sem allir þekkja Hilmar og vilja gjarnan selja vöru með hans nafni á. 

Þetta eru fjórar fisktegundir, villtur lax, ufsi, tilapia og Mahi Mahi.  Fiskurinn hefur grill-merki í kross, sem er brennt í fiskinn frosinn.  Hann er síðan þakinn með olíu með smjörbragði.  Svo er Reyktur laxahringur með rjómaosti í tveimur stærðum, 22 og 11 oz.  Hann er skorinn í sneiðar og  4 oz. Laxakökur.  Semsagt 6 tegundir.  Þessar vörur hafa fengið mjög góðar viðtökur.
 
Uppskrifta kort eru í öllum kössum og auglýsingar hafa verið í tveimur matarblöðum.

Hver er Hilmar B Jónsson?
Hilmar B Jónsson hóf að læra Matreiðslu á Matstofu Austurbæjar árið 1962 og var Ragnar Gunnarsson meistari hans.  Einnig var Hilmar á Hótel Sögu og Valhöll á námsárum sínum. 

Hann útskrifast árið 1966 og réðist til starfa á Hótel Loftleiðum og var þar meira og minna til 1982 með smá stoppi þegar Hótel Esja opnaði.  Stofnaði árið 1981 Gestgjafann og gaf út í sjö ár.  Árið 1988 stofnaði hann Matreiðsluskólann Okkar og rak í nokkur ár.  Frá árinu 1990 hefur hann starfað hjá Icelandic við kynningu og sölu á Íslenskum fiski í Bandaríkjum og hefur hann á þessum ferðum heimsótt 47 fylki Bandaríkjanna.

• Hilmar var einn af stofnfélögum Klúbbs Matreiðslumeistara árið 1972.
• Hann var Forseti KM frá 1986 til 1992.  Sat í stjórn NKF um árabil.
• Er handhafi Gordon Blue og Gordon Rouge orðanna.
• Var Matreiðslumeistari Forseta Íslands frá 1980 til 1992.
• Er meðlimur í KM, NKF, ACF og RCA.
   

Segðu þína skoðun

Greint frá á heimasíðu KM (Chef.is)

freisting@freisting.is