Fjallkonan sælkerahús er ný verslun með vörur beint frá heimavinnslubýlum

Í fullum undirbúningi.
F.v. Sigrún Óskarsdóttir og Elín Una Jónsdóttir fjallkonur

Fjallkonan sælkerahús opnar þann 18. júlí næstkomandi við Austurvegi 21 á Selfossi þar sem megináhersla er á vörur beint frá heimavinnslubýlum í héraðinu og víðar á Íslandi.  Í versluninni verður hægt að kaupa nýtt og brakandi grænmeti beint úr uppsveitunum, grafinn silung og tvíreykt sauðakjöt, dýrindis nautasteikur og stóra hamborgara úr 100% nautakjöti beint úr Landeyjunum, sérstaka fjallkonukryddblöndu á borgarana og sérbakað hamborgarabrauð úr heilhveiti og kornum.

Í Fjallkonunni verður líka allskyns sælkeravara, ólífur og fleira antipasto í olíu, geitaostur og Gamli Óli, kryddpylsur og sinnep, kryddjurtir og heimagerður ís, jarðaber frá Silfurtúni, jurtate og síróp, íslenskt hunang og sultur, pestó úr íslenskri basilikku, svo eitthvað sé nefnt.

Eigendur eru þær Elín Una Jónsdóttir og Sigrún Óskarsdóttir fjallkonur.

Mynd: Af facebook síðu Fjallkonan sælkerahús
/Smári