Paul Cunningham er Danmerkurmeistari í Fine Art pylsugerð | Eru íslenskir matreiðslumenn of fínir í svona keppni?

Í eina tíð voru um 800 pylsuvagnar í Danmörku, en nú eru þeir komnir niður í um 100 vagna á kostnað aukinnar samkeppni og var það grunnurinn til að Ole Troelso matargúrúinn og ritstjóri hjá stærsta viðskiptablaði Danmerkur Börsen, sem byrjaði á þessari keppni og leitaði til þekktra matreiðslumanna til að taka þátt í og lyfta pylsunni á hærra plan.

Keppnin var haldin á Food Festival 6. til 8. september s.l. í Tangkrogen í Árósum og skiptist hún í tvo flokka, þ.e. hina klassísku „Hot Dog“ og „Fine art“.

Í þeim hluta sem keppt var um Fine art, vann breski matreiðslumaðurinn Paul Cunningham sem er yfirmatreiðslumaður á veitingastaðnum Henne Kirkeby Kro á vestur Jótlandi.

Hans pylsa samanstóð af pylsu sem var karamelluís í brauði úr kleinuhringjadeigi, velt upp úr sítrónusykri, með hindberja og jarðaberja-marmelaði sem tómatsósan, sítronucurd í staðinn fyrir sinnep og ristað engifer í staðin fyrir steiktan lauk og að lokum sneiðar af sýrðum agúrkum, sem sagt eftirréttapylsa og féllu allir fyrir hugmyndinni.

Þetta er í þriðja sinn sem Paul vinnur þessa keppni en helsti keppinautur hans í gegnum árin og hefur unnið tvisvar er Wassim Hallal eigandi að Veitingastaðnum Fredrikshöj sem er staðsettur í Árósum og var hann meðal þátttakanda í ár og tók annað sætið, með villta útfærsla á svínakjöti í brauði sem var eins og bakki með loki og inn í var 15 cm löng svínapura. Ekki féll það í kramið hjá dómurum.

Í keppninni í klassískri Hot Dog var sigurvegari Brian Pedersen frá Pölsemageriet í Silkiborg, annað sætið gekk til Christian Melgaard frá Christians Pylsuvagn, og það þriðja hreppti Rene Christiansen frá Trianglens pylsuvagn í Silkiborg.

Nú er spurningin hvort íslenskir matreiðslumenn séu of fínir til að taka þátt í svona keppni?

Eini kokkurinn sem ég hef séð með pylsur í nýmóðins útfærslu er Gunnar Karl Gíslason á Kex hostel og kannski er það fyrsta skrefið.

Smellið hér til að horfa á vídeó þar sem Paul lagar sigurpylsuna fyrir BT.

Myndir: The Food Project Árhus

/Sverrir

Taggaðu okkur á Instagram: #veitingageirinn og myndirnar birtast sjálfkrafa á forsíðunni.