Nýr veitingastaður: Íslenski barinn endurvakinn

Slegið á létta strengi.
Gústav alltaf hress.

Ekki slæmt að hafa Dill sem nágranna

Það var allt á fullu, smiðir, pípulagningarmenn og rafvirkjar í húsi sem áður hýsti Næsta bar við Ingólfsstræti 1a, þegar fréttamann veitingageirans bar að garði. Þar mun Íslenski barinn sem margir þekkja frá Austurvelli verða endurvakinn. Innan um alla iðnaðarmennina var Sjávargrillskokkurinn og Matreiðslumaður ársins 2010 Gústav Axel Gunnlaugsson og tók hann vel á móti fréttamanni.

Íslenski barinn, Ingólfsstræti 1a

Eigendur Íslenska Barsins eru Gústav Axel Gunnlaugsson og Lárus Gunnar Jónasson matreiðslumenn, Guðmundur Hansson og Guðrún Veronika Þorvaldsdóttir framreiðslumenn, en Veronika kemur til með að sjá um rekstur staðarins.

Gústav fór létta yfirferð með fréttamanni um hvers má vænta á nýja staðnum; það verður létt stemming, trúbator, píluspjald, píanó fyrir þá sem vilja taka lagið, íslenskur pöbbamatur eins og hann gerist bestur, íslenskir bjórar verða í hávegum hafðir og margt fleira.

Hér er á ferðinni áhugaverður staður sem vert er að kíkja á.