Fjórar fagkeppnir í september | Ertu búinn að skrá þig í fagkeppni? | Veitingageirinn.is verður á vaktinni

Fjórar fagkeppnir eru framundan nú í september og verður veitingageirinn.is á vaktinni og færir ykkur fréttir, myndir, tilkynningar af öllum keppnunum.

Skráning stendur núna yfir í þremur keppnum en þær fjórar keppnir sem framundan eru:

Bakari ársins 2013
Keppnin um titilinn Bakari ársins 2013 verður haldin dagana 27. – 29. september næstkomandi í húsnæði Hótel- og matvælaskólans í Kópavogi, en allar nánari upplýsingar um skráningu og keppnisfyrirkomulag er hægt að nálgast með því að smella hér.

Evrópumót Vínþjóna
Alba E.H. Hough vínþjónn keppir í Evrópumóti Vínþjóna í San Remo á Ítalíu dagana 27. til 29. september 2013.

Íslandsmót matreiðslu- og framreiðslunema 2013
Forkeppni í Íslandsmóti matreiðslu- og framreiðslunema 2013 verður haldin 19. september og þeir fimm nemendur sem fá flest stig í forkeppninni í matreiðslu og framreiðslu vinna sér inn rétt til þess að taka þátt í úrslitakeppninni laugardaginn 28. september 2013 í Hótel- og matvælaskólanum.  Skráning er í gangi og smellið hér fyrir nánari upplýsingar.

Matreiðslumaður ársins 2013
Keppnin um titilinn Matreiðslumann ársins 2013 verður dagana 27.-29. september í Hótel- og matvælaskólanum, en forkeppnin verður haldin föstudaginn 27. september og úrslitakeppnin sunnudaginn 29. september 2013.  Allar nánari upplýsingar og skráningu er hægt að lesa með því að smella hér.

Hvetjum alla fagmenn að skrá sig sem fyrst.

Settur hefur verið upp sér dálkur hér til hægri á forsíðunni (sjá meðfylgjandi mynd) sem listar upp allar fréttir sem tengjast fagkeppnunum.

/Smári

Taggaðu okkur á Instagram: #veitingageirinn og myndirnar birtast sjálfkrafa á forsíðunni.