Víking Yule Bock – Tónlist og snarl

Ef að það er eitthvað sem okkur í Víking finnst skemmtilegt þá er að að kynna til leiks nýja bjóra. Yule Bock er nýjasti bjórinn í Víking Craft Selection línunni og við getum ekki beðið eftir því að leyfa fólki að smakka. Hann er bruggaður eins og hefðbundinn bokki, bragðið er mjúkt og sætt með eftirbragði sem er kryddað með anís og vanillu. Í réttu ljósi þá er hann djúprauður og nægilega kröftugur til að hafa þig á brott með sér eins og þung undiralda.

Íslenski barinn ætlar að taka á móti okkur eins og þeim einum er lagið með lifandi tónlist og bros á vör. Þess má geta að þau verða með bjórinn á sérstöku tilboði síðan alla helgina (27.-30. okt)

Við hlökkum til að sjá þig!