Víðtækara bann við lausagöngu alifugla í Frakklandi

Frönsk stjórnvöld ætla að banna lausagöngu alifugla í fleiri héruðum en í dag er hún bönnuð í 26 af 96 héruðum. Mun bannið ná til 58 héraða, að sögn forsætisráðherra Frakklands, Dominique de Villepin

Fuglaflensa hefur ekki greinst í Frakklandi. Að sögn Villepin verður haldin viðamikil æfing á fyrstu viðbrögðum við fuglaflensufaraldri í Frakklandi fljótlega.

Segir Villepin að mikilvægt sé að viðbrögðin verði rétt ef fuglaflensa kemur upp í landinu. Því verði æfingar haldnar innan hvers héraðs fyrir sig í febrúar en stór æfing á landsvísu verði í mars.
Frakkland er stærsti framleiðandi á alifuglum innan Evrópusambandsins og ef fuglaflensa kemur upp í landinu þá myndi það hafa víðtæk áhrif á hag alifuglabænda.

[email protected]

Greint frá á mbl.is