Við Fjöruborðið á Stokkseyri sló met um helgina

Met féll á veitingastaðnum Við Fjöruborðið á Stokkseyri um helgina, en staðurinn afgreiddi um 800 humarskammta í gær og hafði afgreitt 700 þegar blaðamaður hafði samband rúmlega níu í gærkvöldi.

Staðurinn hefur því tekið á móti 1500 gestum á tveimur dögum, en það er um þrefaldur íbúafjöldi bæjarins, segir í frétt á Visir.is.

„Þetta er mjög gaman, en jafnframt mjög mikið. Það var eiginlega allt að springa hjá okkur,“ segir eigandinn Jón Tryggvi Jónsson, en um met í sögu staðarins mun vera að ræða.

Ástæða þessara miklu viðskipta má að öllum líkindum rekja til Færeyskra fjölskyldudaga sem haldnir eru hátíðlegir um helgina, en gestir hafa að mati eins aðstandandans verið á þriðja þúsund þegar mest er.

Þar hefur verið þétt dagskrá frá morgni og fram á nótt alla helgina, en á dagskránni í kvöld er meðal annars Bryggjuball þar sem dansað verður við undirleik Kim Hansen, varðeldur og flugeldasýning, en þetta kemur fram á vef Visir.is.

Mynd: Sverrir

Auglýsingapláss

/Sverrir