Veitingastaðurinn Skál opnar í mathöllinni Zeppelin Station í Denver

Gísli Matthías Auðunsson, yfirkokkur og einn eiganda Skál
Mynd: aðsend

Skál! veitingastaður á Hlemmi Mathöll opnar í kvöld SKÁL í mathöllinni Zeppelin Station í Denver Colorado.

Zeppelin Station er lifandi svæði þar sem renna saman skrifstofurými og matartorg með mismunandi veitingastöðum sem allir bera fram mat í “Street-food” stíl.

SKÁL vann á dögunum stóra viðurkenningu frá Michelin Guide sem kallast BIB-gourmand sem er veitt stöðum sem veita frammúrskarandi mat á sanngjörnu verði.

Mathöllin Zeppelin Station.
Mynd: zeppelinstation.com

Gísli Matthías Auðunsson, yfirkokkur og einn eiganda Skál!, er búinn að vera í Denver síðustu tvær vikurnar að undirbúa opnun þessarar staðar í Zeppelin station sem hefur göngu sína í kvöld, að því er fram kemur í tilkynningu.

Það sem Zeppelin Station gerir er að skipta um þema á svæðinu af og til og nú næstu 6 vikurnar er þemað “Made in Reykjavík”. Þar verða einnig til sölu íslenskar hönnunarvörur, íslensk hráefni og fatnaður.

Þessi réttur hefur slegið í gegn hjá Skál, en þar segir á facebook:
„Þegar hugmyndin kom upp að opna stað í Hlemmi Mathöll fórum við að hugsa út í hvernig stað við vildum gera, eini heiti maturinn sem var boðinn fram á Hlemmi þar til að mathöllin opnaði var hin klassíska: Pylsa með öllu. Þetta veitti okkur mikinn innblástur í að skapa staðinn okkar.“
Mynd: Skál / facebook

Mikil leynd hefur ríkt yfir verkefninu hingað til en nú er það orðið opinbert að Skál! verði að bjóða uppá einföldun á sínum matseðli í “Street-food” stíl og þar ber helst að nefna pylsuna sem er orðið einkenni Íslendinga þegar kemur að Street-food.

Einn vinsælasti réttur Skál! frá upphafi er bökuð íslensk bleikja.
Mynd: Skál / facebook

Einn vinsælasti réttur Skál! frá upphafi er bökuð íslensk bleikja og er mikil eftirvænting Denverbúa að prófa íslenska matargerð.