Vegna Forkeppni Matreiðslumaður ársins

Ágæti veitingamaður, ég fagna allri gagnrýni og lít á hana sem hvatningu til að gera góða hluti enn betri. Eins og nafn keppninnar gefur til kynna „Matreiðslumaður ársins“ þá er verið að dæma vinnubragð, nýtingu, hreinlæti, skipulagningu sem og bragð og útlit.

Ef bara ætti að dæma bragð og útlit þá skyldi keppnin heita réttur ársins. Ég hef farið á þetta 10 tíma NKF námskeið og þar var farið í að eldhúsdómarar skuli vera í keppnum þar sem NKF reglurnar eru sem viðmið, á hinn bóginn skal ég viðurkenna að það vantar að það sé skráð í reglunum, og má vera að það rugli menn aðeins.

Enn og aftur þá vil ég þakka ykkur fyrir að koma fram í dagsljósið með skoðanir ykkar svo hægt sé að fjalla um þær á jafnréttisgrundvelli með það að markmiði að gera gott betra eins og áður var sagt en minna ykkur á að ef keppnin heitir matreiðslumaður ársins  þá er verið að keppa í meira en bara bragð og útlit og átti ágæti veitingamaður að skilja það.

Kveðja
Sverrir Þór Halldórsson
Eldhúsdómari í forkeppni Matreiðslumadur ársins 2007

Segðu þína skoðun