Valið hátíðarkampavínið

Kampavínið Moet & Chandon verður í öndvegi á sameiginlegum vínlista veitingastaðanna sem taka þátt í Food n Fun. Jafnframt hefur það verið valið hátíðarkampavínið á glæsilegum galadinner á Nordica á laugardagskvöldið þar sem að verðlaun verða veitt í matreiðslukeppninni sem fer fram í Listasafni Reykjavíkur fyrr um daginn. Moet kampavín er mest selda kampavín í veröldinni og er úr sömu fljöldskyldu og konungur kampavínsins Dom Pérignon.

Kampavín á rætur að rekja aftur til átjándu aldar og var fundið upp fyrir slysni. Franski munkurinn Dom Pérignon var að brugga en sökum mistaka í gerjunarferli komu fram loftbólur í víninu. Gerði munkurinn allt hvað hann gat til þess að fjarlægja loftbólurnar úr víninu sem hann var að búa til – en tókst ekki. Sagan segir að Dom Pérignon hafi sagt: Ég drekk stjörnur!, þegar hann smakkaði freyðandi vínið í fyrsta sinn. Í stað þess að reyna að fjarlægja loftbólurnar úr víninu fann Dom Pérignon þess í stað aðferð til þess að gera vínið tært og drykkjarhæft og fljótlega varð það eftirsótt meðal frönsku yfirstéttarinnar. Claude Moet var einmitt vinur munksins og var með fyrstu mönnum til að hefja framleiðslu á þessum magnaða drykk.

Greint frá á Vísir.is

Heiðar Birnir Kristjánsson
[email protected]