Ungkokkar til Scot Hot

Stutt er í það að Klúbbur Matreiðslumeistara sendir Ungkokka sína í keppnina Scot Hot, en hún er haldin 26-28 febrúar næstkomandi.

Þetta er í fyrsta sinn sem Ungkokkar Íslands keppa og eru 5 keppendur sem koma til með að keppa fyrir Íslands hönd, en þau eru:

Ari Freyr Valdimarsson, en hann lærði fræðin sín á lækjabrekka árin 2001-2005 og starfar nú á Thorvaldsen bar grill bistro

Guðjón Kristjánsson lærði fræðin sín á Grandhótel á árunum 2002-2006 og starfar nú sem matreiðslumaður á hinum fræga og rótgróna veitingastað Humarhúsið.

Sigurður Rúnar Sigurðsson lærði fræðin sín á veitngastaðnum Einar Ben á árunum 2001-2005 og starfar nú sem matreiðslumaður á Vox.

Rúnar Þór Larson lærði fræðin sín á Grandhótel á árnum 2002-2006 og starfar nú á Grillinu í Radisson SaS hótelinu undir leiðsögn einn færasta matreiðslumann okkar Íslendinga, hann Bjarni Gunnar Kristinsson.

Vigdís Ylfa Hreinsdóttir er enn matreiðslunemi og er hún að læra á Argentína steikhús og hóf hún námið sitt fyrir þremur árum eða árið 2004.

Sérlegur ráðgjafi hópsins er Hrefna Rósa Jóhannsdóttir Sætran, yfirmatreiðslumaður Sjávarkjallarans en hún verður með í för sem þeirra stoð og stytta.

Keppt verður í heita eldhúsinu að þessu sinni, en það fer þannig fram að eldaður er hádegisseðill fyrir 50 manns, 3ja rétta. Síðan fara Ungkokkarnir í sýnikennslueldhús, þar sem þau þurfa að sýna fram á ákveðna þekkingu á 4 réttum fyrir 2.

Mynd: úr safni og tengist fréttinni ekki beint