Undirbúningur fyrir jólasteikina er hafinn í Grillinu

Jólasteikin í ár í Grillinu

Hafinn er jólaundirbúningur á Grillinu á Hótel Sögu, en hreindýrasteik verður aðalrétturinn í 7 rétta jólamatseðlinum.

Keppnin Matreiðslumaður ársins 2015.
Atli Erlendsson fagnar hér sigri af mikilli innlifun.
Myndina tók Eiríkur Ingi Bengtsson Helgason.

Rétturinn er á teikniborðinu hjá okkur ennþá en við erum að hugsa um kaffi, pralín og rauðrófur með steikinni.  Nú eru menn á fullu í hreindýraveiði og því þurfum við að vera tímanlega í matseðlagerðinni,

sagði Atli Þór Erlendsson aðstoðaryfirmatreiðslumaður Grillsins og Matreiðslumaður ársins 2015 í samtali við veitingageirinn.is aðspurður um jólaundirbúninginn og bætir við:

Að sjálfsögðu verðum við með okkar hefðbundnu síld á seðlinum eins og síðustu ár ásamt villtum fuglum og rauðum jólaeplum í eftirrétt ofl.

Mynd: af Instagram síðu Atla.