Topppizzur hafa verið opnaðar á toppi Toppsins

Á föstudaginn var nýr veitingastaður opnaður á efri hæð Toppsins í Vestmannaeyjum. Heitir staðurinn Topppizzur og rekstraraðilar eru Karl Helgason veitingamaður í Toppnum og Hólmgeir Austfjörð.

“Ég kom og talaði við Kalla, mig langaði að koma í land og vantaði vinnu,” útskýrði Hólmgeir, aðspurður um hvernig það kom til að þeir hófu samstarf. “Þetta voru einhverjir draumórar en smám saman fæddist þessi hugmynd og eftir að við fórum af stað gerðust hlutirnir hratt.”

Salurinn tekur ríflega þrjátíu manns í sæti og segja þeir að viðbrögðin við pizzunum hafi farið fram úr björtustu vonum. “Til dæmis fengum við eigendur Greifans hingað inn til okkar og þeir gáfu okkur hæstu einkunn sem er ekki slæmt, enda einar bestu pizzur á Íslandi fáanlegar á Greifanum.”

Greint frá á eyjafrettir.is
Mynd: Fréttir Vestmannaeyjum

[email protected]