Sykurverk opnar smáköku- og kaffihúsa pop up í Iðunn mathöll fyrir jólin

Það er ljúft að segja frá því að Sykurverk hyggst opna sérstakt smáköku og kaffihúsa pop up í Iðunn mathöll á Glerártorgi fyrir jólin. Þetta kemur fram í tilkynningu frá fyrirtækinu, en Sykurverk rekur einnig vinsælt kaffihús við Strandgötu 3 á Akureyri.

Að sögn Sykurverks er ákvörðunin tekin í kjölfar mikillar eftirspurnar eftir girnilegum veitingum fyrirtækisins. Markmiðið er að gera jólainnkaupin enn notalegri fyrir viðskiptavini, hvort sem þeir versla í miðbænum eða á Glerártorgi.

Sykurverk hlakkar til að taka á móti gestum í nýja pop up kaffihúsinu í Iðunn mathöll frá og með í dag 1. desember.

Mynd: facebook / Sykurverk