Sumarsólstöðumót Stella Artois

Stella Artois mun halda sitt árlega opna mót á GKG, laugardaginn 21. júní nk. Þetta árið var ákveðið að hafa Texas Scramble fyrirkomulag til að auka enn á gleðina. Í lok móts verður létt skemmtidagskrá þar til verðlaunaafhending hefst.

Í fyrra komust færri að en vildu og var spilað fram í myrkur. Þetta árið, til að koma fleirum að, var ákveðið að hafa mótið á lengsta degi ársins. Búist er við að verðlaunaafhending hefjist um kl. 23:00. Hellingur af flottum vinningum í boði og nóg af aukavinningum (dregið úr skorkortum) fyrir þá sem áttu ekki sinn besta dag.

Þar sem Stella Artois er opinber bjór Opna breska í golfi, kemur ekkert annað til greina en að bjóða vinningshöfum út til Liverpool í VIP pakka að hætti Stella Artois til að fylgjast með lokadögunum tveimur. Innifalið í pakkanum er flug, hótel, aðgangur að vellinum og auðvitað aðgangur að VIP svæði Stella Artois á Royal Liverpool þar sem morgunverður, hádegisverður, snarl og allir drykkir eru innifaldir.

Skráning er hafin á golf.is