Markaðurinn

Skoskt þema á 90 ára afmæli heildsölunnar John Lindsay – Myndir

Birting:

8 ár síðan

þann

31.10.2016

Eftir

Markaðurinn í Veitingabransanum

Kristín María Kjartansdóttir, Ágústa Harðardóttir, Sara Magnúsdóttir og Helga Ragnheiður Ottósdóttir, stjórnarformaður John Lindsay hf.

Síðastliðinn föstudag var haldið upp á 90 ára afmæli heildsölunnar John Lindsay hf. í nýlegu húsnæði fyrirtækisins, að Klettagörðum 23. Um 250 manns, víða úr atvinnulífinu, mættu til að fagna áfanganum með starfsfólki Lindsay og fjölskyldum.

Fyrirtækið heitir eftir Skotanum John Lindsay sem stofnaði umboðsverslunina hér á landi árið 1926, eftir að hafa heillast af landi og þjóð. Hann notfærði sér viðskiptasamböndin á Bretlandi og byrjaði á því að flytja inn vörur sem hann taldi að vantaði á Íslandi, m.a. Thermos hitabrúsana.

Í boðinu var skoskt þema, þjónar klæddust skotapilsum og starfsfólk Lindsay skartaði bindum eða klútum með Lindsay mynstrinu. Þess má geta að Lindsay ættbálkurinn í Skotlandi er með sitt eigið tartan litamynstur sem má m.a. sjá á bindi Stefáns.

John Lindsay hf. hefur verið fjölskyldufyrirtæki í 50 ár, frá því að faðir Stefáns, Guðjón Hólm keypti það ásamt félögum sínum árið 1966. Í dag er það rekið af sonum Guðjóns og fjölskyldum.

Berglind Ósk Loftsdóttir, kokkur, galdraði fram dýrindis smáréttaveislu úr vörum Lindsay, meðal annars TORO púrrulaukshakkbollur, Vestlandslefsu með makríl, TORO Lofoten fiskisúpu með rækjum, Nando’s kjúklingaspjót, Royal búðinga-regnboga og fleira.

Hér fyrir neðan má sjá myndir úr boðinu eftir Spessa:

Ari Eldjárn og Stefán S. Guðjónsson, forstjóri John Lindsay hf.

Líf Magneudóttir, borgarfulltrúi og Snorri Stefánsson, hdl.

Ari Eldjárn skemmti gestum

Jóhann Birnir Guðmundsson, þjónaði gestum af mikilli snilld

Stefán S. Guðjónsson, forstjóri John Lindsay, Ágúst Ævar Guðbjörnsson, framkvæmdastjóri 23 auglýsingastofu og Alexander Svarfdal.

Veislan var haldin í vörulager John Lindsay, Klettagörðum 23.

Helga Björk vildi vera með afa sínum, Stefáni, forstjóra John Lindsay, á sviðinu við ávarpið

Frank Ú. Michelsen, Stefán S. Guðjónsson og Guðmundur Einarsson, sölustjöri

Helga Björk og Hólmfríður Helga

Snorri Stefánsson hdl., börn hans, Bríet Magnea og Styrkár Flóki, og Ragnar Jónasson yfirlögfræðingur hjá Gamma og rithöfundur

Anton Örn Hilmarsson, Ólafur Stephensen, framkvæmdastjóri Félags atvinnurekenda, Jóhann Birnir Guðmundsson, Stefán S. Guðjónsson og Alexander Svarfdal Guðmundsson