Skál hlýtur Bib Gourmand viðurkenningu frá Michelin | Dill missir Michelin stjörnuna

Skál á Hlemmi hlaut Bib Gourmand viðurkenninguna, en þau verðlaun eru fyrir veitingastaði sem bjóða uppá hágæða mat á hóflegu verði.
Mynd: facebook / Skál

Í dag var kynnt hvaða veitingastaðir fengu hina virtu viðurkenningu frá Michelin í Norðurlöndunum, Ísland, Danmörk, Finnland, Noregur og Svíþjóð.

Viðburðurinn fór fram í Tónlistarhúsinu í Árósum í Danmörku, en þar voru um 500 gestir samankomnir, veitingamenn, kokkar og fjölmiðlar.

Þrír veitingastaðir fengu nýjar 2ja Michelin stjörnur, Gastrologik í Stokkhólmi þar sem Jacob Holmström og Anton Bjuhr eru við stjórnvölinn. Veitingastaðurinn KOKS, undir stjórn yfirmatreiðslumeistarans Poul Andrias Zisca í Færeyjum og Noma í Kaupmannahöfn sem eru í eigu matreiðslumeistarans René Redzepi. Til gamans má geta að Barði og Víðir hefja störf hjá KOKS í sumar, sjá nánar hér.

Fjórar nýjar eins Michelin stjörnu veitingastaðir eru á þessu ári, FAGN og Credo í Noregi, Alouette í Kaupmannahöfn og Palace í Helsinki. Dill í Reykjavík var á meðal þeirra veitingastaða sem misstu Michelin stjörnu sína.

Skál á Hlemmi sem að Gísli Matthías Auðunsson, matreiðslmeistari og einn eigenda Skálar m.a. stjórnar, hlaut Bib Gourmand viðurkenninguna, en þau verðlaun eru fyrir veitingastaði sem bjóða uppá hágæða mat á hóflegu verði, að auki fékk veitingastaðurinn Selma í Kaupmannahöfn Bib Gourmand viðurkenninguna og Moment í Rønde í Danmörku.

Sjá einnig: Níu íslenskir veitingastaðir með viðurkenningu frá Michelin

Michelin listinn í heild sinni

MICHELIN á Norðurlöndum 2019 í hnotskurn:

Þrír veitingastaðir með 3 stjörnur
10 veitingastaðir með 2 stjörnur
51 veitingastaðir með 1 stjörnu
34 Bib Gourmand veitingastaðir