Sjálfbærni fær aukið vægi í nýjum Michelin lista

Kiky Chen hlaut þjónustuverðlaun Michelin í Taívan 2025. Hún er veitingastjóri á the FRONT HOUSE í Kaohsiung sem nýverið fékk sína fyrstu Michelin stjörnu.

Michelin hefur kynnt nýjan leiðarvísi fyrir Taívan 2025 og þar má finna 53 veitingastaði með stjörnur.  Þar af bæta átta staðir við sig einni stjörnu og þrír veitingastaðir eru færðir upp í tvær. Þrjár stjörnur haldast áfram hjá Le Palais og Taïrroir í Taipei og JL Studio í Taichung sem mynda saman fremsta flokk matarlistarinnar í landinu.

Meðal þeirra sem fengu tvær stjörnur í fyrsta sinn eru veitingastaðirnir A, Eika og Yu Kapo í Taipei.  Heildarfjöldi tveggja stjörnu staða er nú sjö.

Nýir einnar stjörnu staðir eru the FRONT HOUSE í Kaohsiung og í Taipei má nefna aMaze, Chuan Ya, FRASSI, Motoichi, La Vie by Thomas Bühner, Sushi Kajin og Hosu. Samtals náðu 43 veitingastaðir einni stjörnu í ár sem sýnir fjölbreytni og kraft í matarmenningu landsins.

Taívan

Sjálfbærni hefur einnig fengið aukið vægi og Tu Pang í Taichung fær nýja Michelin Green Star. Með honum eru nú sjö veitingastaðir heiðraðir fyrir framsækna nálgun í rekstri og matargerð, þar á meðal EMBERS, Hosu, Little Tree Food, Mountain and Sea House og Yangming Spring í Taipei ásamt Thomas Chien í Kaohsiung.

Þetta er í áttunda sinn sem Michelin leiðarvísirinn kemur út á Taívan og í ár er umfangið víkkað þar sem New Taipei City, Hsinchu County og Hsinchu City eru teknar inn í fyrsta sinn.

Heildarlistinn telur nú 419 veitingastaði í Michelin leiðarvísinum, Bib Gourmand og meðmælum sem staðfestir hvernig Taívan hefur styrkt stöðu sína sem eitt áhugaverðasta matvælaland Asíu.

Mynd: guide.michelin.com