Silli Kokkur keppir á stærstu götubitakeppni í heimi – European Street Food Awards

Keppnin um besta evrópsku götubitan – „European Street Food Awards 2022“ verður haldin nú um helgina, 7. – 9. október í Munich í Þýskalandi.

Þetta er stærsta götubitakeppni í heimi og þar verður að finna 15 af bestu götubitum í Evrópu sem keppa um titilinn “Besti Götubitinn í Evrópu 2022“.

Í ár mun Sigvaldi Jóhannesson, betur þekktur sem Silli kokkur, keppa fyrir Íslands hönd og mun hann keppa í þremur flokkum, „besti hamborgarinn“, „besta samlokan“ og „Besti Götubitinn í Evrópu 2022“

Götubitinn – Reykjavík Street Food hefur verið leiðandi í götbitahátíðum hér á landi og hefur síðan 2019 haldið forkeppni hér á Götubitahátíðinni sem er haldin árlega í samstarfi við Reykajvíkurborg, og á hátíðinni er krýndur „Besti Götubiti Íslands“.

Silli Kokkur hefur sigrað forkeppnina hér á landi síðustu þrjú ár, eða frá árinu 2020.

Sjá einnig: Götubitahátíð Íslands 2021 – Úrslit

Engin lokakeppni hefur verið haldin síðan árið 2019, en þá fór Jömm út og keppti fyrir Íslands hönd og gerði gott mót.

Sjá einnig: Jömm keppti á meðal bestu í heimi í European Street Food Awards

Götubitinn mun vera á keppninni og fylgjast með stöðu mála, fyrir þá sem hafa áhuga á að fylgjast með er bent á að að fylgja þeim á samfélagsmiðlum (instagram og facebook):

Instagram / Facebook: @reykjavikstreetfood

Einnig er hægt að fylgjast með Silla á eftirfarandi samfélagsmiðlum:

Snapchat: SilliKokkur
Instagram: @sigvaldij
[email protected]

Mynd: facebook / sillikokkur.is