Síldardagar á Siglufirði | Keppnin um besta síldarréttinn 2014

Dómarar
Sigurvin Gunnarsson og Sverrir Þór Halldórsson matreiðslumeistarar

Síldardagarnir á Siglufirði voru haldnir dagana 24. júlí til 4. ágúst síðastliðinn og er þetta orðin heljarinnar hátíð til heiðurs síldarinnar. Á sunnudeginum 3. ágúst var haldin hin árlega keppni síldaráhugamanna um hver lagaði besta réttinn úr síld, undirritaður og Sigurvin Gunnarsson voru fengnir til að vera dómarar.

Var sett borð út á bryggjukantinn fyrir framan við Hannes Boy og réttunum komið fyrir á borðinu og svo mættum við til leiks og tókum til við dæmingu, sem var eftirfarandi:

Alíslensk síldarsnitta

Mulningurinn undir síldinni var úr harðfisk og var það plús, en það heillaði mann ekki og við smökkun í þurrari kantinum.

Síldarbollur með graslaukssósu

Góð hugmynd, en síldarbragðið fannst ekki úr bollunum, sósan var góð.

Bláberjasíld með skyrsósu og rúgbrauði

Framsetning glæsileg, afbragðs gott bragð, heildarsamspil á bragði var frábært.

Rússnenskt síldarsalat með rúgbrauði

Framsetning góð, girnilegt en síldarbragð frekar dauft.

Heitur síldarbakstur

Síldarbragð fannst ekki, en nóg af rótsterkum asíubragði, frekar óspennandi réttur, fallegastur óhreyfður.

Síld í pylsubrauði

Góð hugmynd, einföld en góð framsetning, þarna naut síldarbragðið sín, gott samspil á bragði.

Þá var komið að því að taka saman niðurstöðurnar og tilkynna úrslit.

Heimir Magni Hannesson yfirmatreiðslumeistari á Hannes Boy tilkynnti þau og voru eftirfarandi:

6. sætið – Alíslensk síldarsnitta

5. sætið – Heitur síldarbakstur

4. sætið – Síldarbollur með graslaukssósu

3. sætið – Rússnenskt síldarsalat með rúgbrauði

2. sætið – Síld í pylsubrauði

1. sætið – Bláberjasíld með skyrsósu og rúgbrauði

Ef myndirnar eru skoðaðar þá held ég að flestir séu sammála að Bláberjasíldin bar af í framsetningu, bragðið var sælgæti og rétturinn góð samfella.

Auglýsingapláss

Vinningshafinn hlaut í verðlaun matarútekt hjá Hannes Boy að upphæð 20.000 kr.

Þetta var skemmtileg upplifun og aldrei að vita hvað maður lendir í að dæma næst.

/Sverrir