Ragnar Ómars bætist í starfslið fótboltalandsliðs Íslands í Tékklandi

Ragnar Ómarsson

Verðlaunakokkurinn Ragnar Ómarsson mun bætast í starfslið íslenska fótboltalandsliðsins í Plzen í Tékklandi, en liðin mætast þar í undankeppni EM 2016 þann 16. nóvember næstkomandi.  Leikurinn fer fram á Struncovy Sady Stadion (Doosan Arena) í Plzen  og hefst kl. 20:45 að staðartíma.

Það er vel þekkt meðal stærri liða að hafa kokk í teymi sínu enda mataræðið afskaplega mikilvægur þáttur í lífi afreksmanna í íþróttum, að því er fram kemur á fotbolti.net.

Ragnar þekkir það sjálfur að vera í landsliði þar sem hann gerði góða hluti í kokkalandsliðinu á sínum tíma.

Ragnar mun taka eitthvað af íslensku hráefni með sér til Tékklands fyrir strákana en um er að ræða afar mikilvægan leik í undankeppni Evrópmótsins, segir að lokum á fotbolti.net.

Mynd: úr safni

/Sverrir