Pasta ehf. hættir starfsemi

Ragnar Marinó Kristjánsson matreiðslumeistari er einn eiganda Pasta ehf., en hann útskrifaðist árið 1988 frá Hótel og veitingaskólanum og var á samning hjá Veitingahöllinni sem var og hét. Ragnar starfaði á ýmsum stöðum eða þar til að fjölskyldan ákvað að stofna fersk pasta framleiðslu í febrúar árið 1994.

Fyrirtækið Pasta ehf. er hætt starfsemi, en það framleiddi rétti fyrir mötuneyti og fyrirtæki. Pasta ehf. var stofnað árið 1994 og hefur frá stofnun þess boðið upp á fjölbreytt vöruúrval til að auka fjölbreytni fyrir stóreldhús og mötuneyti.

„Við misstum húsnæðið vegna þeirra framkvæmda sem eru komnar í gang hér í Súðarvoginum. Við fundum annað húsnæði sem við gátum ekki fjármagnað sjálf og ekki voru aðrir sem höfðu áhuga að koma að þessu með okkur því var fyrirtækinu sjálfhætt.“

sagði Ragnar Marinó Kristjánsson eigandi í samtali við veitingageirinn.is.

Sýnishorn af vörum sem Pasta ehf. bauð upp á:

Myndir: pasta.is