Opnar nýtt kaffi-, og kvikmyndahús þar sem Icelandic fish & chips var áður til húsa

Haraldur Ingi Þorleifsson tilkynnti á twitter síðu sinni að félagið í hans eigu hefur keypt jarðhæðina við Tryggvagötu 11 í Reykjavík þar sem vinsæli veitingastaðurinn Icelandic fish & chips var áður til húsa.

Haraldur segir í twitter færslunni að hann ætli sér að opna kaffihús og lítið kvikmyndahús með haustinu.

Samkvæmt heimasíðu fasteignamiðlunnar EG var söluverðið 145 milljónir króna. Húsnæðið er 386 fermetrar að stærð.

Lýsing á eigninni á heimasíðu EG er eftirfarandi:

Húsnæðið er í dag innréttað sem veitingasalur, kvikmyndasalur og verslunnarými en getur hentað undir ýmsan annan rekstur.

Komið er inn um sérinngang frá Tryggvagötu inn í forstofu. Til hægri er rými sem er í dag nýtt sem verslunnarrými og kvikmyndasalur/fundarsalur og innst í því eru salerni.

Bjartur og opinn veitingasalur með stórum gólfsíðum gluggum í bogadregni línu og ríflegri lofthæð gefur rýminu skemmtilegan karakter.

Stór og rúmgóður bar er miðsvæðis í rýminu. Innaf honum er starfsmannaaðstaða, starfsmannasalerni geymsla og stórt eldhús með útgengi til norðurs. Í eldhúsi er háfur ca. 2,5 m breiður með ozon útblásturskerfi og “walk in” kælir ca. 2 x 2 m að stærð.

I’m opening a coffee shop with a small movie theater!

We got the ground floor of one of my favorite buildings in Reykjavik and if all goes as planned we’ll be ready to open in the fall. pic.twitter.com/gMHxO3IbJh

— Halli (@iamharaldur) March 9, 2021

Myndir: egfasteignamidlun.is