Nýir veitingastaðir í Leifsstöð

Bæst hefur við úrval veitinga fyrir farþega sem fara í gegnum Flugstöð Leifs Eiríkssonar en veitingastaðirnir Ginger og Dunkin´ Donuts hafa verið opnaðir í verslun 10-11 í komusal flugstöðvarinnar.

Rúmt ár er síðan fyrsti Dunkin´ Donuts staðurinn á Íslandi var opnaður en í dag eru staðirnir orðnir fimm talsins. Til stendur að opna 11 staði til viðbótar á næstu fjórum árum og verða flestir þeirra staðsettir á höfuðborgarsvæðinu.

„Það gleður okkur að geta boðið viðskiptavinum okkar upp á fleiri kosti þegar þeir koma til landsins. Á Ginger má finna úrval heilsurétta og á Dunkin´ geta viðskiptavinir til dæmis keypt sér gæðakaffi og kleinuhringi. Sterkur kaffibolli getur einmitt oft komið sér ansi vel eftir langt flug,“

segir Sigurður Karlsson, framkvæmdastjóri matvörusviðs Basko, en félagið á og rekur verslanir 10-11 og veitingastaði Dunkin´ Donuts á Íslandi.

Mynd: aðsend