Myndir: Það styttist í herlegheitin – Sindri keppir fyrir Íslands hönd 27. janúar í Bocuse d´Or

F.v. Þráinn Freyr Vigfússon, Hinrik Örn Halldórsson, Sindri Guðbrandur Sigurðsson og Sigurjón Bragi Geirsson

Íslenska Bocuse d´Or liðið mætti til Chonas-l’Amballan 21. janúar s.l. og eru komnir á heimaslóðir, hjá Philippe Girardon eiganda veitingastaðarins Domaine de Clairefontaine.

„Þar var tekið vel á móti okkur og öll aðstaða til fyrirmyndar. Það fer vel um okkur alla og við erum í góðu yfirlæti hér.“

Sagði Friðgeir Ingi Eiríksson hjá Íslensku Bocuse d´Or akademíunni í samtali við veitingageirinn.is.

Úrslitakeppni Bocuse d´Or 2025 verður haldin 26. og 27. janúar 2025 næstkomandi í Lyon í Frakklandi.

24 lönd keppa til úrslita, en þar mun Sindri Guðbrandur Sigurðsson keppa fyrir Íslands hönd.  Sindri keppir 27. janúar og er í sjötta eldhúsi í keppninni.

„Hér er verið að preppa fyrir keppnina, merkja allt og leggja loka hönd á undirbúninginn.“

Sagði Friðgeir að lokum.

Það er stemning í hópnum og mikil spenna fyrir komandi dögum.

Íslenska liðið í heild sinni

Bocuse d´Or kandítat: Sindri Guðbrandur Sigurðsson

Aðstoðarmaður Sigurjóns er: Hinrik Örn Halldórsson

Aðstoðarmenn:
Sindri Hrafn Rúnarsson
Símon Kristjánsson Sullca
Hákon Orri Stefánsson

Þjálfari: Sigurjón Bragi Geirsson

Dómari í Lyon fyrir hönd Íslands: Þráinn Freyr Vigfússon

Fleiri Bocuse d´Or fréttir hér.

Veitingageirinn.is verður á fréttavaktinni og fylgist vel með og færir ykkur fréttir í máli og myndum af Bocuse d´Or keppninni.

Myndir: aðsendar

Auglýsingapláss