MK-dagurinn í máli og myndum

Það var mikið um dýrðir á MK deginum sem haldinn var laugardaginn 11. mars. Gestum gafst tækifæri á að skoða starfsemi skólans og taka þátt í fjölbreyttum getraunum og keppnum.

Það var líf og fjör á tungumálatorginu og Marentza smurbrauðsjómfrú heillaði gesti með töfrum smurbrauðslistarinnar. Framreiðslunemar eldsteiktu pönnukökur og ferðamálanemar kepptu um sæti í næstu Evrópukeppni ferðamálanema. Ýmsir óvenjulegir hlutir voru í gangi í eðlis-, efna- og líffræði og hönnunarsmiðjan í MK sýndi verkefni nema í fatahönnun. Kynnt var nýtt nám í skrifstofufærni fyrir erlenda nemendur og námsráðgjafar upplýstu gesti um fjölbreytt námsframboð skólans. Allir gestir fengu að smakka á hinum ýmsu réttum og matartæknar leiddu þá í sannleikann um hollustu í mat og drykk.

Um 2000 manns lögðu leið sína í skólann og lýstu gestir yfir mikilli ánægju sinni með móttökurnar. Margir fóru heim með vegleg verðlaun eða girnilega rétti sem kjötiðnaðarnemar og matreiðslunemar voru með á boðstólnum.

Kíkið á fleiri myndir hér (Power point skjal)

Greint frá á heimsíðu MK

[email protected]